Emmanuel Wald

Doktora studento en protestanta teologio
GRENEP, Universitato de Strasburgo

Bonvenon al la novaj permesiloj!

Enretigita la , laste ĝisdatigita la (tria versio).

Etikedo: Komputiko. PDF-dosiero: baldaŭ. Reiri al la tekstaro.

Se vi estas interesata de la leĝoj pri la kopirajtoj, vi tre probable konas la permesilojn Creative Commons (Krea Komunaĵo, CC). Ĝis nun, mi uzis la trian version de tiaj permesiloj. Se vi ne konas la CC-permesilojn, vidu la Vikipedian paĝon, mi ne volas eniri en precizaj juraj aferoj. Sciu nur, ke la CC-permesiloj ebligas publikigon de tekstoj, fotoj, videoj, sonoj, … pli aŭ malpli libere, laŭ pluraj kondiĉoj (kvar), kiujn la kreanto povas elekti, ekde neniu kondiĉo (CC 0, kiu ankoraŭ estas la unua versio, ĉar kiam nenio estas protektata, ne bezonas longajn kaj malfacilajn jurajn tekstojn) ĝis tri kondiĉoj (CC BY-NC-ND). Mi ĝenerale uzas du kondiĉojn: se vi volas uzi miajn verkojn, vi devas citi mian nomon kaj konservi kvazaŭ la saman permesilon (CC BY-SA). Ĉiuj ĉi permesiloj (vi povas vidi ĉiujn, kun iom da eksplikado, tie ĉi) estas tradukitaj (almenaŭ la eksplikaj versioj por la nejuristoj, la jura teksto ekzistas nur en ŝtataj lingvoj) al Esperanto.

Sed la tria versio de la CC-permesiloj havas problemon, kiu speciale interesas nian internacian komunumon: ili malfacile povas esti validaj tutmonde. La CC-permesiloj 3.0, fakte, estas adaptitaj al pluraj landaj leĝoj, kaj ekzistas unu versio «neadaptita», kiun, en Esperantio, oni uzu por esti internacia. Sed tiu versio povus ne funkcii (aŭ ne bone) ekster Usono.

La kvara versio, kiu estis publikigita la , inter aliaj plibonigoj, malaperigas tiun problemon. Ne plu ekzistas Usona, Franca, Japana, neadaptita versioj. La CC-permesiloj 4.0 estas nomataj «interŝtataj».

Ekde nun, do, mi uzas la CC-permesilojn 4.0, kaj vi scias kial. Mi instigas vin agi sammaniere.

Se vi scias legi la anglan, vi povas legi tiun paĝon, kiu parolas pri aliaj plibonigoj.

Permesilo Krea Komunaĵo

Ĉi tiu verko estas disponebla laŭ la permesilo Krea Komunaĵo Atribuite-Samkondiĉe 4.0 Interŝtata. Mi volas danki S-ron Alex Escomu pro liaj lingvaj korektoj.